Assayahi
السياحي السياحي السياحي السياحي السياحي السياحي السياحي السياحي السياحي السياحي السياحي السياحي السياحي السياحي السياحي
 
جريدة الـــسـياحــي الأســبوعـــية تصـدر عن شــركة الــرؤية للإعــلام و الصــحافـة
 
من ثراتنا
موسوعة الأمثال الشعبية في الجزائر
 
 

كي تشوف عويناوتو تنسى وجيعاتو

يقصد به أن المرأة بعد أن تعاني من ألام الطلق والولادة لكنها حينما ترى وليدها تنسى كل تلك الألام وما أصابها.

وهذا يدخل أيضا في سياق الصبر على الشدائد لحين بلوغ المراد

2-ما يكبر راس حتى يشيب راس

يطلق هذا المثل على الأم التي تتعب في تربية الأولاد حتى يشتد عودهم ويتمكنوا من الإعتماد على أنفسهم

3-عرس ليلة تدبيرتو عام

هذا المثل يقصد به أن كل امر حتى ولو كان بسيطا لابد أن يسبقه تخطيط وحسن تدبير

4-الشقة باينة على حواشيها

5 -إلى ما يخد راي كبيرو الهم تدبيرو

يدعو هذا المثل لضرورة الإستشارة خاصة من ممن لهم تجربة في الحياة وأكبر سنا وقد خبروا حال الدنيا للإستفادة من تجاربهم

6-الفم المزموم ما تدخلو دبانة

يعني هذا المثل أن على الإنسان أن يحتفظ بأسراره لنفسه

7- يمين العقون في صدروا

هذا المثل يرمي لضرورة قضاء الحوائج في السر والكتمان حتى يتمكن الإنسان من تحقيق هدفه دون إثارة الكلام حوله

8- خالتي و خالتك وتقرقوا الخالات

9-بعد يما وبابا الناس كدابة

يعني هذا المثل أن حب الوالدين لأبناءهم لا يعادله حب أي مخلوق أخر

10- الي فاتو الكلام يقول سمعت ولي فاتو الطعام يقول شبعت

11 البابور كي يكثرو فيه الرياس يغرق

كثرة الآراء وكثرة القادة تؤدي لعدم الإستقرار على رأي واحد وهذا من شأنه أن يؤثر على سلامة اتخاذ القرار الصحيح

12-المعاونة مع النصارى ولا لقعاد خسارة

يقصد بهذا المثل ضرورة مساعدة أي شخص هو في حاجة لذلك طالما أنه باستطاعته المساعدة ولو كانت مع غير الأهل خير من تضييع الوقت في اللهو كما يقصد بهذا المثل ضرورة العمل وأهميته

13- الكر ش كي تشبع تقول للراس غني

يقصد بهذا المثل أن الإنسان المرتاح تبدو عليه مظاهر السرور والراحة

14-خدام الرجال سيدهم

هذا المثل يبرز فضل العمل أي كان نوعه فالعمل هو الذي يجعل الأغنسان شريفا ولابد من عدم احتقاراي انسان بسبب عمله

15-الراجل عيبو جيبو

يقصد بهذا المثل أن الرجل لا يعيبه إلا عدم قدرته على الإنفاق على أهل بيته وعدم المسؤولية

16-كل صبع بصنعة

يقصد به تعدد المواهب ويقال هذا المثل خاصة في المرأة

17-الزين زين لفعايل

يقصد بهذا المثل أن الجمال الحقيقي ليس بالمظهر ولكن يكون بالأفعال والتصرفات الحميدة

18-من عندي ومن عندك تنطبع ولا غير من عندي تنقطع

يبرز هذا المثل ضرورة تبادل المنافع بين الجميع فالمعروف يكون بالمعروف

19-إلا ليهدر مهبول ليسمع عاقل

هذا المثل يقصد به ضرورة التأمل في كل ما يقال وفي كل ما يسمع فقد يقول المتحدث أمورا لا تعقل ولا تخطر على بال لذا وجب ضرورة فهمها بالمنطق

20-كيد النسا كيدين ومن كيدهم يا حزوني راكبة فوق ظهر السبع وتقول ياكلوني

هذا المثل يحذر من مكائد النساء وأفكارهن

21-يا لتعيط قدام الدار عيط وكون فاهم ما يفسد بين الرجال غير النسا والدراهم

هذا المثل هو أيضا يلبس ثوب الحكمة فكثيرا ما فرقت الصفقات التجارية بين الرجال ودسائس النساء بين الأصدقاء

22-اللي يهيل ويميل المولى يجمعلو واللي يحكر ومن جيبو يوقعلو

يشير هذا المثل لمنافع الإنفاق والصدقة ويحذر من البخل والشح

23- جا يسعى وودر تسعة

يقال هذا المثل في موقف شخص أراد أن يسعى لرزقه ولكن لسوء تخطيطه ضيع كل شيء

24- خوك خوك لا يغرك صاحبك

هذا المثل يحض على الوحدة وعدم التفرقة بين أفراد العائلة الواحدة ويمتد لجميع أفراد المجتمع

25-أنا وخويا على وليد عمي وأنا ووليد عمي على البراني

هذا المثل يدعو لدعم وشائج القرابة بين الأفراد والعائلات

26- وليدك على ماتربيه والراجل على ما تعلميه

يخص هذ المثل المرأة فعليها أن تؤدب ابنها وترق في معاملتها لزوجها

27-الي راح وولى وش من بنة خلى

يقصد بهذا المثل أن الذي رحل وعاد تتغير مكانته

28-ليذاق البنة ما يتهنى

يخص هذا المثل أن هناك أمورا نستسيغها ولا يمكن بعد ذلط لفرط التعود عليها الإستغناء عنها

29-هاد الوريقة من ديك الشجيرة

يقصد بهذا أن هناك صفات وطباع تورث من الآباء إلى الأبناء

30-لتحسبوا موسى يطلع فرعون

هذا المثل يعنى بالمعاملات بين البشر فأحينا يبدو لك شخص جملا وديعا فيأسرك بمعاملته غير أنه يظهر عكس ما يبطن

31-الهدرة علي والمعنى على جارتي

يخص هذا المثل المعاملات بين النساء فإذا كانت احداهن تقصد امرأة بعينها فإنها تلمح لها بالكلام عن طريق توجيه اللوم لامرأة أخرى

32-قالوا وين ودنك قالوا هاهي

هذا المثل يشير لعدم الفطنة والنباهة

33-الحدايد لشدايد

يدل هذا المثل أن يتهيأ الإنسان دائما ويحضر نفسه لأمر طارئ قد يحدث وذلك بالإدخار

34الميت كي يموت يطاولو رجليه

يعني هذا المثل الإنسان حتى يموت يبدأ الجميع في اظهار محاسنه والثناء عليه ولو كانو من أعدائه كما يقصد به لابد من الإهتمام بأي كان قبل فوات الأوان وموته

 

35 - كي كان حي مشتاق تمرة كي مات علقولوا عرجون

يقصد بهذا المثل أن هناك أشخاصا لا نعرف مقامهم وأهميتم إلا بعد رحيلهم

36-اليشير ماكلتو تجارة ولبستوا خسارة

هذا المثل يتعلق بتربية الأطفال كان له صدى في زمن الماضي فهو يشير لضرورة الإهتمام بغذاء الطفل لأنه أساسي في نموه عكس شراء ملابس له لأنه سيكبر بسرعة وبالتالي تضيق عليه فالمال من ال,لى انفاقه في الأكل على اللبس

37-الجديد حبو ولقديم لا تفرط فيه

هذا المثل يمزج بين الإهتمام بكل ماهو جديد والبحث عن التطور وعدم اهمال القديم

38-إلى ديريها للربيب تجيك في الحبيب

هذا المثل ينطبق على المؤامرات والدسائس التي قد تحاك ضد انسان يقصد الإساءة فتكون نتيجتها عكسية وتحيق هذه المؤامرة به

39-وش يخرج العروسة من دار بابها

40 - إلى حلف فيك راجل بات راقد وإدا حلفت فيك مرا بات قاعد

هذا المثل يدخل أيضا في اطار الأمثلة التي تبرز كيد وحيل النساء

41-جا يعاون في قبر يماه هربلو بالفاس

هناك أناس نقصدهم للمساعدة ولكنهم في النهاية يكونون عكس ما توقعناهم

42-أنا مير وأنت مير شكون يسوق لحمير

أعزكم الله

هذا المثل يشير لضرورة وجود تفاوت بين أفراد المجتمع

43-ما يعجبك نوار الدفلة في الويدان داير ظلايل وما يعجبك زين الطفلة حتى تشوف لفعايل

هذاالمثل يرمز أن الجمال الحقيقي هو جمال الأفعال والخصال الحميدة

44-أقلب القدرة على فمها تطلع البنت لأمها

يعني أن البنت تشبه أمها

45-بات مع الجاج صبح يقاقي

هذا المثل يقصد أن من يتأثر بأبسط الأمور وتؤثر على مواقفه و شخصيته

46-علمناه الصلاة سبقنا للجامع

يقصد بهذا المثل أن هناك بعض الأشخاص نعلمهم أمورا ما لكن لفرط ذكاءهم ونباهتهم يتفوقون حتى على من علمهم

47-أعقب على الواد الهدار وماتعقبش على الواد الساكت

48-جبت قط يونسني ولا يبرق لي في عينيه

49- إذا كان حبيبك عسل ما تلحسوش كامل

هذا المثل يقصد أن على الإنسان أن لا يبالغ في الدلال على من يحب

50-مهبولة وقالولها تزغرت

51-باب النجار مخلوع

52-طباخ مشتاق مرقة

53-الحمار حماري وأنا نركب ملور" من الخلف"

يعني هذا المثل أن الإنسان قد لا تكون له سلطة في أمر يخصه

54-ما قدرش على الحمار قدر على البردعة

هذا المثل يخص القدرة على مواجهة الأحداث أو حتى الأشخاص فأحيانا عندما لا يتمكن انسان من مواجهة الآخر فإنهيلجأ لمواجهة من هو أضعف منه

55-إدا شفت الطويل يجري اعرف القصير موراه

56-جا من تالي وقال يا مالي

57-ما يلقى روحو غير الهجال والي ما عندو رجال

58-اللي يحسب وحدو يشيطلو

59-ما يحسد المال غير ماليه

يقصد هذا المثل أن المال لا يحسده إلا لاأهله

60-أراوح يا مبارك بحمارك

61-إلى كلى جاج الناس يسمن جاجو

يقصد بهذا المثل تبادل المنافع والإحسان بين الناس فمن سبقك باحسان ومعروف فلا بد أن تبادله بالمثل

62- ليهدر بزاف يموت بالزعاف

يقصد بهذا المثل أن كثير الكلام لا يقض شيئا بل على العكس يؤثر ذلك عليه سلبا

63-كي نشوف هم الناس نحمد الله على همي

يرمي هذا المثل أن يحمد الإنسان الله على ماهو عليه خاصة إذا رأى من هم أسوأ حالا منه

64-شوية من الحنة شوية من رطابة اليد

يطلق هذا المثل على موقف يجب فيه المرونة من الطرفين في أي ظرف حتى يتحنب الصراع

65-عدواة العاقل خير من صحوبة الجاهل

66-لكثر همو وش يلمو

67-أنا بالخير لفمو وهو بالعمود لعيني

يقصد به نكران المعروف والجميل

68- كل خنفوس عند مو غزال

هذا المثل يعني أن كل شخص معجب بما لديه أو بما يملك

69 -مول الطبيعة ماينطبع

يقصد بهذا المثل أن التطبع ل يغلب الطبع والفطرة

70-اليد اللي تمد خير من اليد للتشد

هذا المثل يحث على العمل ويبرز فضله على الناس فيتحول لمحسن بدل أن يكون متسول

71-ما تخلط في النخالة ما ينقبك الجاج

هذا المثل يشير لضرورة عدم التدخل في شؤون الغير

72-كول ما يعجبك ولبس ما يعجب الناس

73-دير روحك مهبول تشبع كسور

74-الطمع يفسد الطبع

75-ادكر الما يبان العطشان

76-الي دواه رجليه لحديد ليه

يحمل هذا المثل في ثناياه أن على الإنسان أن يتحمل مسؤولية أعماله وكدا النتائج والعواقب

77-الحجرة من عند الحبيب تفاحة

يقصد بهذا المثل أن أي هذية تقدم من انسان عزيز تكون مصدر تقدير حتى لو كانت قيمتها زهيدة

78-كالتبيب لا جار لا حبيب

التبيب هو طائر يعيش لوحده ويقال هذا المثل في شخص يعيش وحيدا في وسط مجتمعه دون صديق او تعايش مع أفراد المجتمع

79-كثير لصحاب يقعد بلا صاحب

ويقصد به أن كثير الأصدقاء يجد نفسه في النهاية بلا صديق لذا وجب حسن اختيار الأصدقاء

80-ما يبقى في الواد غير حجارو

يرمي هذا المثل أنه في النهاية لا يصح إلا الصحيح

81-إلى ما شاورك ما دبر عليه

82-وجع ساعة ولا كل ساعة

83-إلى ما هو ليك غير يعيك

84-اللي خاف سلم

85-كل شاة تتعلق من رجلها

86-الي ما نفع غير دفع

بمعنى لابد من التخلي والتخلص من كل أمر لا ينفعنات و لا نجني منه فائدة

87- ضربة بالفاس ولا عشرة بالشاقور

يوصي المثل بضرورة أن يكون الإنسان حاسما في مواقفه ويبتعد عن التردد في بعض الأمور

88- وش يدير الميت في يد غسالو

ويقصد بهذا المثل أن الإنسان أحيانا يجد نفسه في مواقف لا يستطيع أن يفعل شيئا حيالها تماما كما هو حال الميت

89- يا شاري الهم بالدرهم

90-يا شاري دالة

91-دير صبعك وصبع الناس وعض

92-بدل المراح تستراح

93-سيدي امليح زادلو لهوى والريح

94-إدا تفاهمت العجوزة والكنة ابليس يدخل الجنة

95- إلي في القدرة يجبدو الغراف

96-إدا شفت زوج متفاهمين أعرف الدرك على واحد

97-تروح حدة تجي لدة

98- الخيريللش والشر يعمش

هذا المثل يخص أثار النعمة على البشر والتي تظهر بشكل جلي على من يملكها فحين تظهر الفقير في حال يرثى لها

99-داري تستر عاري

100-اللي مايديه النيف يديه السيف

101-أحييني اليوم اقتلني غدوا

102- اللي ماكلات مرارتها ماتكول حلاوتها

103-ضربة بالقادوم ولا عشرة بالفاس

104- وش يخرج روح من روح

هذا المثل ينطبق على لحظة الولادة بحيث هي أصعب لحظة في حياة المرأة بخروج انسان صغير منها وهذا يدرج في اللحظات الصعبة والامور العسيرة

 

 

 

البوقالات

 

البوقالة هي من الشعر النسائي التراثي والذي يحمل الكثير من معاني وبيان الأدب ككل أدب شعبي

1 -يا خليلتي فاطمة يا خليلتي فطوم ياإلي في الأرض قنطرة يا لي في السما سلوم وعليك يا خليلتي نخلي بلاد الروم.

2-نمشي الشطوط الشطوط ونلقى الرمل حابس ونعمر بيدي وندير في المحبس ونوصيكم يا لبنات لا تاخذوا الرايس يرمي في القلاع

ويخلي القلب دايس.

3- طلعت فوق السرير وتقربعوا للواح الناس الكل بحبيبهم وانا حبيبي راح.

04-بيدي قطعت اللحم ودرت له بزراره وبوذني سمعت الكلام وعرفت من قالو يا قوال القبيح وش حدك تربح أنا سبع في خيمتي وخلي الكلاب تنبح.

05-عاقب على باب دارنا سكران يترامى وراقد سطيلة اهب يحوس على قطيرة ماء ومريض مرض الفشوش والموت لعدانا.

06-تاقة على تاقة ويا سارق الناقة ولا قصرت الأعمار الأرواح تتلاقى.

07-تمشي في الجنان وتكركر في فوطتها والحسن والحسين على ركبتها.

08-حبطت لقاع الجنان وفرشت زربية وحرقست حرقوس الذهب من حاجبي لوذنيا واستشفيت في العديان كيما استشفاو فيا وحمدولي يا جيران سعدي ولى لي.

09-بسم الله بديت وعلى النبي صليت وعلى الصحابة رضيت يا غايث الغيث نجينا من البلا والترمميد.

10-قبة سيدي عبد الرحمان بطالك في الهلال من الفوق بيضا وفي وسطها بلار حبيت نزورك يا سيدي عبد الرحمان وأنا قلبي طاهر نهيلي حاجتي ضحية قبل النهار.

11- سيدي فرج أنا جيت نتفرج تحت قاعة الطرنج نباتو ليلة إذا غاب القمر خدك يضوينا وإذا غاب الماء ريقك يسقينا سيدي يا سيدي أرفد قلوعك وأجيني.

12-جعلولتي من ذهب وأحبالها من فضة حبطت لقاع الجنان لقيت الحبيب يتوضا رميت له غصن حبق وأرمى لي وردة.

13-جاز على باب دارنا سكران يترامى رميت له وردة وسيسانة ورمى لي خوخة ورمانة.

14-حبطت لقاع الجنان باللوز ندرق جاز علي الشباب تحفيفته تبرق عليه نرمي الولد وعليه نطلق عليه ندخل الدزاير ونديرها فندق.

15-هبطت لقاع الجنان وفرشت زربية وحلفت ما نكحل عيني حتى يجي الحبيب لي.

16-يا لقاعدة في الرياض والقرقاب بحداك وشبيك يدك على خدك الحرير ألي يخضك ولا الأإبرة راحت عليك

17-ما نكلش القارص يشيني وما نخدش الشيخ يالكان يغنيني نأخذ الشاب ليواتيني.

18-قلبي فنيق الذهب والعشق مفتاحه جزت على جنان الحبيب وشميت تفاحه تفاح ما نكلوش نحمر خذوذي بيه والشيخ ما نخدوش في قاع البحر نرميه نأخذ شباب صغير في الفراش نلعب بيه.

19-جايز على باب دارنا يفصل في لعكري قلته في الباب يا فصبي على قدي قال لي يا لالاة أرواحي نفصلك قاط الذهب من عندي ونزيدلك من عندي.

20- يا طالعين الجبل أدوني معاكم نرحيكم الرحى ونبوس يديكم في خاطر الشباب لمعاكم.

21-الطاقة في الطاقة والقلوب عشاقة وراس عيسى وموسى ما تعي القلوب تتلاقى.

22-السطح عالي نشرت بزاري فيه نظل وفيه نبات كي راه جاي اليوم غزالي..

23-ربيت الحمام في قفص المرجان وكلتلته السكر الأحمر والجلجلان نطلب من سيدي ربي يرجع لي سعدي.

24-بنبرة يا بنبرة وقرنفلة حمرا قولوا لنبنبرة يا لي بدلتني بمرة ألي بدلك بدليه وزيدي الشباب عليه ألي خير منه وعزيز عليه

25-هبطوا البنات لجنان هبطت حتى أنا نطقت الولى قالت أنا نعسانة نطقت الثانية وقالت أنا عطشانة نطقت الثالثة قالت أنا نتجى في الحبيب الي ما جانا.

26-سلام بعد سلام وسلامي في ورقة تشينة ما زلنا في القلوب ولا تنسينا.

27-بيني وبينك طويقة قد دروة الكاس الحديث بيناتنا واش جابه للناس عرض أدم كالرصاص إذا ذاب خلاص.

28-غرست ياسمينة في وسط الدار عروقها سكنجبير وأوراقها زنجار يما يما ما احلى عشق الجار العين في العين والقلب شاعلة فيه النار.

29-هبطت لقاع الجنان وصبت للملاح أرقود اتنفست الدالية وتنهد لعنقود السحاب يقول نكشف والقمر يقول ندوب خلي العشاق ترقد وكل شي بالمكتوب.

30-خليلتي مغنجة العيون عليها راني مهموم وعليك يا خليلتي نخلي بلاد الروم.

31- هابطة في الدروج تكركر في فوطتها من صابني سلسلة في رقبتها ولا خويتم في صبعها نبوس خدها اليمين ونزيد شفتها.

32-هبطت لقاع لجنان ولقيش الشاب غايس قلت له يا شاب وشبيك غايس قال لي صبت سفينة بلا رايس حبيني ونحبك نصبحو عرايس.

33-تلمسان يا تلمسان يا لي فيك الطبل والكيسان واحدة ادات العلام وواحدة ادات الكيسان وان ا ديت سيد الرجال.

34-يالقاعدة في الرياض بالشدة والتخبيلة عينك توت فريز وحواجبك نيلة تمنيت نجي لعندك على ليلة قلبي متوحشك وما صبت له حيلة.

35-أحمد يا أحمد واسمك غالي رد روحك طبيب أجي تشوف حالي نفرش لك فراش حرير ونغطيك بازاري.

36-حبطت لقاع لبحر ولقيت الما يغلي خفتوا بيدي خرجت لي ح وتة وقالت لي يفرج ربي.

37-فاطمة فطوم يا سارة النجوم ولا تطلع ي للسما نديرك سلوم ولا رحتي للبحر نديرك عوامة والمكتوب ألي يديك ما يكون غير أنا.

38-لو كان تدرسوني دريس الكروية ولا تقطعوني قطيع الزرودية والله ما ننساك يا ممو عيني.

39-السميد صفيتو واللوز دقيتو نطلب من ربي ما نعي في بيتو.

40-أحمد يا أحمد يا لعيروني بيك أنت خويتم الذهب وأنا فصيص فيك وأنت سنيسلة وأنا قليب ف يك أنت محبس حبق وأنا نسقيك نضاربو ذراع بذراع ولي تغلب تديك.

41- ما نكلش التوت يكحلني وما نكلش القارص يشيني ومانخذش الشيخ لو كان يغنيني ناخد الشباب الي يواتيني.

42-الخمري يا لخمري ياالي كويتني بجفاك من جهتي كون مهني والله ماننساك.

43-شاب جايز على باب دارنا يطلب في تفاحة أعطيت له تفاحة قال ما بيا تفاحكم بيا محبتكم.

44-هبطت لقاع البحر فرشت زربية جاز علي الطير رمالي برية ما جيت نفتحها ندمعو عيني.

45-قالوا لي سمر قلتلهم خير من السحر قالوا لي رقيق قلت لهم رق من الجوهر الله يكون الحلال كثير الرزق و طويل العمر.

46-يالي في الجبل وأنا في السفل حجبني عليك بابا مالقيت فاش نبعتلك برية غير في عنق حمامة قلت لك يا شاب لاقيني في طريق الحمام نبوسك في خدك الأيمن ونصوم عليك ثلاث أيام.

47-حاجبك توت وعينيك يا قوت كي نشوفك نشهق ونموت.

48-طولتها عالية وشفتها غالية كي نشوفها نتعلق بها كيما يتعلق العنب في الدالية.

49حليت باب البيت وصبت الملاح رقود صبت داك الشباب ممدود القمر قال نكشف والسحاب قال خلي العاشق والعاشقة عند الله مكتوب.

50-عمتي يا عمتي ولا بالطعام راني شبعاة ولا باللبن راني رويانة ولا بوليدك ما نديه غير أنا.

51-بنتي فوق الجع لولة شعرها كي العكري ألي يحب يخطبها يجي على البكري والي يقول مشي شابة يعطيه العمى الكحلي.

52-ترجمان يا ترجمان يا مفتاح كل جنان فاتو علي البنات عاملين كي لوردات ويتقاسمو بالميزان واحدة دات الوردة والثانية ادات الحزام وأنا اديت العزيز الغالي الي يسوى عندي مليون ريال.

53-قلبي شعلت فيه النار من عشق الجار عاونيني يا يما شوفي ما صرى بي حبيبي هو سباب قرحتي سلب ني بالزين والحاجب والعين راني شادة فيه حتى يوم الدين.

54-بعث لك يا الحبيب دموعي في وردةحمرا يالعدو بدلتني بامراة قالي والله ما بدلتك بالغير حبك في قلبي حتى ي شيب الطير.

55-قاست على قدها قاط الذهب مجبود وطلقت على خ دها سالف كحل ممددود كونوا علي شهود يا أهل الفضل والجود أنا خديم في يد لالا معبود.

56-نهار الجمعة خرجت لي جنية قالت لي حاجتك مقضية ما نقولك الصباح ولا لعشية.

57-غلقت الباب دفة على دفة ومصباحي ضاوي مره ما يطفى.

58-غرست يا سمينة في وسط الدار عروقها سكين جبير وأوراقها زنجار تمنيت من خالقي نزور مع الزيار قبة النبي الهاشمي المختار.

59-مادريتش الحليب يندار في جلد الدي ب وما دريتش العسل يولي بمرارة يا ويح من العباد الغدارة.

60-ما ني محبس ندرق ماني حبيقة ندبال راني خويتم في يد السي علال.

61-يا خليلتي فاطمة يا خليلتي فطوم يالي اسمك علا الناس سيادة عليك نخلي بلاد الروم وعليك نموت بلا شهادة.

62-العدو الي طغى الله يخيب مكره والتواب الي عطش الله يسقيه بمطره اللي ل مشى والفجر لاح عسكره كل غريب الله يرده لأهله وكل طير لوكره.

63-داوي داوي ودواكم ما يفيد أبموا ساس على ساس يسجالي نبني غرفة في العلالي نعيش فيها أنا وغزالي بركة الله ال غالي وعبد القادر الجيلالي.

64-جعلولتي عالية في وسط الدالية دا لية بالعنب الصافية بالحوت أعطوني بنتكم ولا نطيح نموت بنتنا عزيزة وصداقها غالي ما تنعطاش بألف دبلوم و ألف سلطاني.

65-الله يرحم اك الزمان مين كانت دموعا تجري ويدان احنا اليوم نسين ا لحزان وكلنا ربي على الي دايرين لنا الفتنا فرحتنا ولات على كل لسان.

66-قاعدة معها في التسديرة هو شباب وهي صغيرة الله يحفظهم من العين والغيرة.

67-بعض الناس هما هما كي العسل في القرجومة والبعض يا لطيف كي الحبة المسمونة أنا خيرت لنتي ديك لفويمة المتمومة فيها سمايم ديما مرحومة.

68-خرجت يوم الجمعة وفي يدي نشعل شمعة ناداني صوت حنين صوت المؤذن في الصومعة قالي لي يا بنت السادة حاجتك مقضية قلت له في كم من مدة قال لي من اليوم لغدوة.

69-على ترجمان ياورد كل جنان جازوا عليك ثلات بنات وقسموك بالميزان واحدة ادات سلسلة و واحدة دات القفطان وانا ديت شيعتك كي شيعتك كي شيعة السلطان.

70-ساقية مسقي ة ويعوم فيها الحوت اعطوني بنتكم ولا نطيح نموت ولا حبيت تموت غير موت بنتنا معطية وسومها غالي ماية حبة لويز وماي ة حبة سلطاني.

71-بعث لك برية في قرنفلةحمرا مكتوبة بالذهب قلت لك يا حبيبي

بدلتني بامراة قال لي يا حبيبتي ما بندلك ب الغير محبتك في قلبي حتى يشيب الطير .

72-أنا راقدة في المن ام نمت روحي لابسة قمجة القمجة فرجة ما تكون غير حجة ولل تولدي ولد يخرج عالم وعالي الدرجة.

73- خرجت في الليل نطلب من الله صبت النجوم دايرين بسيدي رسول الله كل نجمة تقول الغاني هو الله وا حد ما يدي بيده والو غير الي عطاه الله.

74-السفينة اللي جابت باه نكفيها باللوز والسكر نطعم غاشيها بالزبدة والعطر نطلي سواريها نطلب من ربي العزيز للحج يديها.

75-طاقة على طاقة لا تواريها سلمي على لالة ألي قاعدة فيها نجيب كاس الذهب ونسقيها نرفد غ زالي من الحومة ونهرب بها.

76-خرجت في نص الليل نطلب في ربي نصيب النجوم دايرين بالنبي العربي قلت يا اله يا معبود نحيلي الوسواس والغمة على قلبي.

77-راني في وسط جنان السرور والبها ريتوا بعياني راني حالفة بربي العالي هذا المرة ما ناخذ غير البراني.

78-من درى اليابسة ترجع الخضرا ويا من درى ال واد الناشف يرجع غدير ويا من درى تتبدل الساعة بالخير.

79-أحباب البعد ما أجفاهم قالو لي أشربي من الحمام تنسايهم شربت كاس ورا كاس لا نار تطفى ولا قلب ينساهم.

80-جاني في حب الملوك هدية مخبي في أوراقه أنا والحبيب في بلاد واحدة والقل ب مشتاقه.

81-طار لحمام وزاد في اليام ونزل على قبة الحمام فوق سط ح الغرفة ريت سيد الملاح في السحين يتوضى بست خده اليمين ورشقت له وردة .

82-الأحباب أهداو لي الأطيار وأنا نحب المقنين والأحباب هداو لي الأزهار وانا نحب لياسمين والأحباب أهداو لي الأخيار وأ نا نحب الزين والزين كي نوار الدفلة مزغلل وعروقه مرين.

83-عسل يا عسل في باقية خضرا يا شميمة العاشقين يا نجمية الزهرا حلف سيد الملاح مايراشي امراة غير اذا جات غزالة باش تنطفى الجمرة.

84-عملت روحي فقير ساكن في المحراب ما ندخل ما نخرج عند روحي محكوم جازوا علي ثلاث بنات بحايك محربلة والشعور مخبلة في حالة معدومة ما سباتني يا عباد غير خدوجة وفطومة.

85-بعت لك في البرية قرنفلة حمرا فيها خطوط من الذهب وجميع من يقرا سمعت بيك يا شاب بدلتني بأ خرى قال لي والله لالا ما بدلتك بالغير محبتك في قلبي حتى يشيب الطير

86- جايز على باب دارنا يفصل في العكري قلت له يا شاب فصلي على قدي قال لي أصبري يا خليلتي حتى تجي لعندي نفصل ك قاط الذهب ونزيدك من عندي .

87-جايز على باب دارنا سكران يترام ى رمالي في التبق خوخة ورمانة أرميت له في التبق وردة وسيسانة لعنة الله على ألأي يقول العدرة تشوشانة.

88-دزيت باب الرياض والنسري ناداني الورد حل لي الباب والزهر عنقني والياسمين ذاك الشباب ما ب غى يكلمني.

89-في وجهه خانة وفي يده سيسانة ما كاش واحد كواه الحب ك يمة أنا.

90-حنة يا حنة حبيتنا من الخبة وقتاه نديرك في يد بنتي ونتهنى.

91-كرسي يا كرسي والله ما نقعد عليك حتى يوم عرسي .

92-جايز على باب دارنا قال لي يا خليلتي لكان يشربيني باباك قلت له يا بابا م ا يشريكش وما تكون طماع وعلى بنت الرجال نبيع سروالي ونخسر قع مالي.

93-داق على الحال وبكيت حتى صبت الأبريق وتوضيت نحي علي ربي الضيق وتهنيت.

94-كل الأعضاء فيها الداء حتى الكبدة بالنار صاهدة يالكان الأجراح تتفجر على خطرة الموت موت واحدة ولا شفاية الأعدا.

95-رحت أنا وحبيبي لشط البحر وقلت له هدرة شابة وحلمنا وقلت له لكان يفيقوا لي والدي يحفروا لي قبري بيدي ودمعوا عينين.

96-يا لنجمة لساكنة في العلالي جيتك بجاه الله ربي الغالي وصلي لي سلامي لحبيبي الغالي وقولي له غيرك واحد ما يحلالي.

97-أنا لي منكم وماني م نكم وضحيت براني وأنا ألي كنت في الصف الأول أصبحت التالي يا قاسحين القلوب سقسوا جيراني الذل ما نحملوش والعز رباني.

98-الدار بعيدة على الدار والخبر لامن يجيبوا قداش من قلب صبر على فراق حبيبه.

99-الأولى عطشانة والثانية قالت شبعانة والثالثة قالت نترجى في الحبيب الي ماجانا.

100-الزين أنتاعي عنده خانة تس قسه بالريحة والحنانة نديه غير أنا ونطلب من ربي لكل مابيني وبينه يكمل بالحب والحنانة.

101- حبيبتي مجعدة لعيون عليها راني مهموم يا حبيبتي نخلي البلاد ونزيد بلاد الروم .

102-جرحت روحي بالموس والدم سال مني غشاني قالو لي راهي جاتك حاجة بالعكري والحناني.

103-شعرها كحل وعينها شهل نشوف فيها الليل والنهار وما نمل قالها ا مخلوقة راني نويتك قال ت لو تصبر شوية حتى نخبر والديا.

104-حبطت لدروج فوطتها تتكركر ا لحسن والحسين على ركبتها أنطق السلطان قال أنا نبغيها ونطق الوزير قال أنا نتزوج بيها نطق جبريل وقال أنا عساس عليها.

105-حبيبك حبوا والسر الي بينكم خبيه وإذا حبك حبوا أكثر وإذا نساك لا تسأل عليه.

106-طليت من الطاقة ونفضت الزربية جازوا عل ي ثلاث شبان عليا الأول بعثوا المالك قال نفديها والثاني بعثوا الوزير وقال نغنيها والثالث الحبيب قال غير أنا اللي نديها.

107-جاو الخطابة للبيت رفدت المشوراة وبكيت وانا في قلبي خبيت.

108-زغرتوا وفرحوا يا جيراني حبيبي نسيتو جا اليوم و داني أنتما حبيتو تفرقو ربي وكيلكم يا عدياني والله ما نسمح فيه ياك أنا نبغيه وهو بغاني.

109-جزت تحت طاقتها تسمع في ضحكتها أنا واش جابني من بلاد لبلاد غير شوفت محبتها.

110-بغيت الفضة وما نبغيش النحاس بغيت وليد عمتي وما بغيتش ولد الناس.

111-لالة علاش عليك هاذ التخمام الي تتمنا يه يجيك لو كان على طول العام.

112-ريت الغزالة والجبال تصيح ترعى في الخزامة وثقيل في الشيح حق راكب الناقة وحب التسبيح اللي فارق الحبيبة كل عظم منه يصيح.

113- دموع طيح جمر ودمو ع طيح ياقوت عام ايجي أخضر وعام بيض ياقوتواالي عندو الزهر الحب عمرو ما يموت.

114-رشيت عتبة الباب بالزهر والطيب وسقيت قاع لحباب بالعسل وزبيب وستينيت جاني جواب فكرني في الحبييب.

115-شفت الزين بعيني واش يصبرني عليه بكيت على سنيني اللي فاتت بلا بيه الحبيب إلي يبغيني ليا ربي يخليه.

116-طلعت لراس لجنان شديت بحرف النيل جاز علي غراب قالي لي غريب مسكين والله ماني غريب في غربتي راحة بيني وبين لحبيب خوخة وتفاحة تفاح من الذهب في راس الليل الحوت في الما والما ايولول.

117-دارنا في الجبل ودار لحبيب في اسفل حجبني بابا ما صبت من نرسل رسلتك في برية قرنفلة صفرا قولتلك يا عدو بن عدو بدلتني باخرى نبدلك وكيما بكتيني نبكيك أنا ناخد صا حبك واللي عزيز عليك يلبس لباسك ويعطي الشبايه ليك.

118-سيدي يا سيدي وشبيك لا توشفيني تذبل عينيك ماني سبع ناكلك ما معيشتي على يديك نطلب ربي لحني ن ايفيد دعوتي فيك تعود تمشي والتابعة تبع فيك .

119-فاطمة يا فطوم وين ماتكوني نرسلك مرسول إذا سكنتي في السما نرسلك حمامة وإذا سكنتي لبحر نرسلك عوامة وإذا سكنتي في القبر ايحاسبك مولانا.

120-دارنا في الجبل مقابلة مكة وفراشها حرير طبقة على طبقة ومص باح القصة يشعل ما يطفى.

121-علاش يا لالا لحشام رحمة الله واسعة و كبيرة لو كان جات بالكلام نتحدثوا ونعطوك تدبيرة بصح كل شيء بالمكتوب ويعيا الخير ايبان وتروح الحيرة.

122-إذا أنت ليل أنا نجمة تضويك إذا أنت بحر أنا موجة تقويك وإذا أنت ربيع أنا وردة فيك حلفت ميات يمين غير أنا لي نديك

123- بعثلك سلامي في لماء الأزرق بع ثلك دموعي في القلب تحرق والله مادريت من الحب اللي بيني وبينك يفرق نكوي هذا القلب باش ما يزيدش يعشق.

124-ابريق الفضة في يدي مليان مسك وطيب هو شمعة عندي نهديهم للحبيب كي نلقاه عندي ماردت لا دوا لا طبيب.

125- عليك نبني ونهدم ونفوت دوك اللي طارو يا موردة الخد نعطيك اسرار ونحلفلك ما لحد الكاف نحول حجارو.

126-مقدود القد مس قم اغزال شافت العين شارلي وتبسم قالي أهلك وين حشمت لا نتكلم وحمارو الخدين.

127- يالحمام المعلي نعطيك تدي جواب أصفا وأرواح مولي جيب خبر الي غاب شتى في هذا البر و االافات حدا لبحر ولا تحت الحجر ولا فوق السحاب.

128- شفت الزين ابعيني واش يصبرني عليه ابكيت على سنيني فاتت بلا بيه الحبيب ليا ربي يخليه.

129- ألبست القاط جديد وبلفتول غطيت راسي وناديت نهار العيد وقاع لميت ناسي جاني من بع يد الي فك أحباسي.

130- قاعد وحدي نخمم جاني الطير فوق راسي اتبسم حاسب بشار الخير نطق سعدي تكلم قالك أغطاك حرير.

131- اعقبت على لسمر مذبل العينين أمليت حجري بالسكر والورد والياسمين بيه القلب انصب ما طاق فراق الزين.

132- طير والريش محني فات اليوم الصباح عند الباب يقابلني تبسملي وراح اعليه نشعر ونغني وعليه نعود مداح.

133-بيدي سقيت لحبق جنان د ار النوار اسمعت الباب يدق حليت لولد الجار جاء القلب سرق ما خزرش المزهار لو كان يتكلم حق ويقول قاع اللي صار.

135-لحقت بلخضر ومليت لعيون بالورد والزهرؤ وياك الحب جنون واللي جاني يخير الحظ وعندي مضمون.

136-رونت الحنة بيدي و فرشت لبزار وسنيت سعدي ع ند باب الدار جا اليوم عيدي ونشوف فرحة الصغار.

137-صفيت ماء الورد ورشيت بيه الساس وعطيت معاه الوعد ما نرجعش أخلاص اقم بينا السعد ورفعت بيه الراس.

138-نركب في البابور ونقطع البحور عن جالك يا زهور نشوف بلاد الغربة ونجيليك البدرون زنزيد حتى ا لبخور وانجيب مهرك مصرور ربي يوفي الطلبة.

139-زوينة يا زوينة والزين ربي اعطاك وطبعتك الحنينة وكحل العين وتاك وردة في الجنينة في يد اخصاك يحفظك ر بي من لعوينة ويخليك للبغاك.

140-أقصدت الورد والياسمين قلت أبخ ير مرضايا واش ايدرق فالزين زادو شنايا تبكي عليهم بدموع تشفي الثنايا.

141- اعقب على باب الدار موعد عالخد أمطار ويقول يا فرب الجار ماعقبش اعليكم غزال شارد ماهوش من لبلاد ما والف لعباد ماعاد من ريحة هنا.

142- شجرة عند الباب وطرف أغصانها ذهب ناديت على لحباب جاء الطير منصب جاب معاه أجواب معاه ونقب خيار الحب .

143-وطيت مع لشعاب نلقى اعشابها وغدير ونقلكم يا لحباب اسلام وفال الخير ارسلتكم بالجواب كل ورقة بطير.  

 
مواضيع الأسبوع
Adresse : Centre d'affaires - 22, rue Mohamed Ayachi, Belcourt, Alger Mob : (+213) 0558 69 41 38 Tel/Fax : (+213) 21 65.08.27